Kryeministri Albin Kurti bashkë me dy ministrat Hekuran Muratin e Financave e Elbert Krasniqin e Administrimit të Pushtetit Lokal, prezantoi para gjakovarëve buxhetin e vitit 2023.
Nga 3.2 miliardë si buxheti më i lartë ndonjëherë, rreth 1% janë ndarë vetëm për Gjakovën. Rreth 32 milionë përfshirë edhe 11 milionët e ndarë për zgjerimin e rrugës Dollc-Gjakovë.
E Ministri i Financave, tregoi para gjakovarëve që njihen si kursimtar, për gjendjen me mjetet e rezervave shtetërore. Sipas tij nga 300 mijë euro sa ishin më 2021 tani ndahen 10 milionë euro. Ngritje të financimit të komunave nga 4 në 8 milionë euro përmes grantit të performancës paralajmëroi edhe kreu i MAPL.
Përveç prezantimit pati edhe pyetje nga qytetarët si ajo për Urën e Rogovës që u dëmtua nga reshjet për të cilën kryeministri tha se edhe pse nuk është përgjegjësi e Qeverisë do të investojnë shkaku i rrezikshmërisë nga gjendja e saj.
Me lajmin se për këtë projekt u ndanë 400 mijë euro mbaroi ngjarja e gjakovarët si nikoqir nuk lëshuan kryeqeveritarin pa një peshqesh me motive kombëtare.
https://www.youtube.com/watch?v=l1Zgp-VkoC0
●●●
LSHKRIMI NGA
L
Editorial nga Klan Kosova — ndjek video lajme dhe zhvillimet e tjera kryesore të vendit.
