Mbi 5 milionë pacientë të shëruar nga koronavirusi në botë

Koronavirusi po vazhdon ende të prek mijëra njerëz në gjithë botën teksa edhe numri i pacientëve të shëruar po rritet. Sipas World Meters që nga fillimi i pandemisë e deri tash në botë janë shëruar 5,046,767 pacientë, kanë vdekur 479,896 si dhe janë infektuar 9,360,758, njofton Klan Kosova Shtetet e Bashkuara të Amerikës prijnë me numrin e të infektuarve kur numri i përgjithshëm është 2,424,492 teksa kanë vdekur 123,476 persona si dhe janë shëruar 1,020,412 pacientë. Brazili radhitet në vendin e dytë me 1,151,479 të infektuar, 52,771 të vdekur dhe janë shëruar 613,345 persona. Në vendin e tretë është Rusia me 599,705 të prekur, kanë vdekur 8,359 njerëz si dhe janë shëruar 356,429. Kujtojmë se virusi korona për herë të parë u përhap në Wuhan të Kinës dhjetorin e vitit të kaluar, teksa deri tash është përhapur në mbi 188 vende të botës – ku rajonet më të goditura janë Amerika dhe Evropa.