Mbi 62 mijë punëtorë shëndetësorë në SHBA të prekur nga Covid-19

Mijëra doktorë amerikanë dhe motra medicinale janë prekur nga koronavirusi nga pacientët që kanë qenë duke i trajtuar. Sipas vlerësimeve të Qendrës për Kontroll dhe Parandalim të Sëmundjeve janë 62 mijë e 344 punëtorë shëndetësore që janë të prekur nga ky virus, transmeton Klan Kosova. Janë së paku 291 prej tyre që kanë ndërruar jetë. Pavarësisht të dhënave, thuhet se në realitet situata qëndron më ndryshe dhe që shifrat mund të jenë më të larta. Numri aktiv i punëtorëve shëndetësorë që janë të prekur nga virusi korona janë nëntë mijë e 282 veta.