Mblidhet nëndega e PDK-së në Arllat - nuk respektohen masat anti-pandemi (FOTO)

Sonte është mbledhur nëndega e Partisë Demokratike të Kosovës në Arllat. Kështu ka bërë të ditur kryetari i Komunës së Drenasit, Ramiz Lladrovci. Në llogarinë e tij në Facebook, ai ka postuar disa fotografi nga ky tubim, ku mund të vërehet se aty ndodhet një numër i madh njerëzish dhe se nuk respektohen masat për parandalimin e përhapjes së pandemisë. Klan Kosova ka provuar që të kontaktojë me Ramiz Lladrovcin për të mësuar më shumë detaje rreth kësaj mbledhje; mirëpo deri më tani nuk ka pranuar përgjigje. Më poshtë mund ta lexoni shkrimin e plotë të tij në Facebook: Sonte, Nëndega e PDK-së në Arllat, është më e madhe për 70 anëtarë (familje), ndërsa grupi parlamentar i PDK-së, më i fortë për një asamblist. Ne nuk do të ndalemi, do të punojmë edhe më shumë, edhe më mirë, sepse zotimi ynë para më meritorëve tanë është përkushtimi për mirëqenien e qytetarëve, sundimi i ligjit, transparenca dhe llogaridhënia. Këto vlera ishin edhe motivi që nëndegës tonë në Arllat iu bashkuan anëtarët e Nismës së bashku me asamblistin komunal të kësaj partie, z. Burim Bujupi. Mirënjohës dhe falënderues për z. Bujupi dhe anëtarët e rinj të PDK-së të Nëndegës Arllat! Bashkë jemi edhe më të fortë!

klankosova.tv