“Mbrojtja” e kushtetutshmërisë: Osmani s’e do “të rrezikshmin”, tërheq lëndën (VIDEO)

Presidentja e Kosovës, Vjosa Osmani e ka tërhequr kërkesën për seancën konstituive nga Gjykata Kushtetuese. Shkak për këtë veprim, shefja e shtetit tha se është gjyqtari Radomir Laban i cili paraqet rrezik për sigurinë kombëtare. Shefja e shtetit tha se lënia në dorë e kësaj lënde këtij gjyqtari është me rrezik. Llaban, i cili është anëtar i Gjykatës Kushtetuese  ishte dënuar me 6 vjet burg nga një gjykatë në Serbi, për krim të organizuar, por sipas udhëheqëses së shtetit shkarkimi i tij nuk mund të bëhet menjëherë. E para e vendit u pyet edhe për provat nga Serbia për Gjykatën Speciale por që të njëjtat ajo i quajti të falsifikuara. Për më tepër, ndiqni kronikën e përgatitur nga Klan Kosova: https://www.youtube.com/watch?v=73-DVxu508g