McConaughey me fjalim emocionues në Shtëpinë e Bardhë për ndryshimin e ligjit të armëve

Aktori i njohur, Matthew McConaughey, iu drejtua me një fjalim emocional ligjvënësve amerikanë që të miratojnë legjislacionin për kontrollin e armëve. Gjatë një paraqitjes së tij dje në Shtëpinë e Bardhë, ai i kërkoi Kongresit amerikan "të arrijë një terren më të lartë". Aktori fitues i çmimit Oscar bëri thirrje për forcimin e kontrolleve për blerjet e armëve dhe rritjen e moshës minimale për të blerë një pushkë të stilit AR-15 nga 18 në 21. “Ne duam shkolla të sigurta dhe duam ligje për armët që nuk do të jenë aq të lehtë për të këqijtë që marrin armët e mallkuara”, tha McConaughey. Fjalimi i tij erdhi pas të shtënave që ishin në një shkollë në Uvalde të Teksasit vendit prej ai vjen, ku të vdekur mbetën 21 persona, dy mësues dhe 19 nxënës, shkruan The Guardian, transmeton KlanKosova.tv. Ai në konferencën e tij para mediave kishte shfaqur për publikun amerikan elemente të fëmijëve të vdekur që i kishin me vetë në ditën e sulmit, duke filluar nga këpucët e njërit prej nxënësve dhe deri tek vizatimet e tyre.