McGregor brenda 40 sekondave e “neutralizon” Cerrone-n (FOTO/VIDEO)

Atleti i njohur i Arteve Marciale të Përziera, Conor McGregor, është rikthyer fuqishëm në kafaz pas një pauze që zgjati gati një vit e gjysmë. Gladiatori irlandez pas disa sfidave, iu kthye sërish tetëkëndëshit kështu duke e mposhtur kundërshtarin e tij Donald Cerrone [i njohur si Kauboji], brenda një kohe prej vetëm 40 sekondash. Spektakli është zhvilluar në Las Vegas të Shteteve të Bashkuara të Amerikës në orët e hershme të mëngjesit, njofton Klan Kosova. Kujtojmë se dyluftimi i tij i fundit që u zhvillua më 7 tetor të vitit 2018, kundër kundërshtarit rus Khabib Nurmagomedov, rezultoi me humbjen e irlandezit dhe më pas me një përleshje masive në tetëkëndësh mes dy grupeve që ndodheshin aty për t’i mbështetur gladiatorët e tyre. Pas përleshjes me Nurmagomedov , McGregor është dashur të ballafaqohet me Gjykatën Amerikane për shkak se i njëjti është akuzuar për sulm dhe për shkatërrimin e telefonit të një tifozi. Kështu ai u ndëshkua edhe nga UFC – gjë që rezultoi me mosparaqitjen e tij në tetëkëndësh për një kohë të gjatë. Mirëpo tani famëkeqi irlandez i është kthyer fuqishëm sportit që di ta bëjë më së miri, kështu duke mposhtur amerikanin Corrone dhe duke dhuruar një spektakël të shkurtër, por mbresëlënës. https://www.youtube.com/watch?v=mSOCCtq8BNQ

klankosova.tv