"Më tërhoqi gjuha shqipe", historia e teologut indian që vepron në Shqipëri (VIDEO)

Samad Ahmed Ghori, teolog indian që tashmë jeton prej disa vitesh në Shqipëri, ka rrëfyer arsyen që e shtyu të qëndrojë në Shqipëri, ndonëse fillimisht kjo nuk ishte pjesë e planeve të tij. I ftuar në emisionin “Kosova Today” në Klan Kosova, Ghori tha se për herë të parë kishte ardhur në Shqipëri në vitin 2011, për të shërbyer në një fondacion. Por ajo që e bëri të qëndrojë ishte pikërisht gjuha shqipe. “Fillimisht nuk ishte synimi im të vazhdoja të jetoja këtu, por pengesa kryesore ishte gjuha. Më pas nisa një kurs dhe aty ndodhi ndryshimi. Ajo që më tërhoqi ishte vetë gjuha shqipe, më dha një forcë të veçantë që të qëndroj”, u shpreh ai. Ndiqni intervistën e plotë, në videon vijuese: https://youtu.be/6_8SSMBucAc