Me valle e këngë socialistët lëshojnë Parkun Olimpiku - mbyllet takimi elektoral (VIDEO)

Kryeministri Edi Rama ka mbyllur tubimin e fundit elektoral në Parkun Olimpiku. Ky tubim u mbyll me valle e këngë nga socialistët, të cilët dalëngadalë e lëshuan parkun, transmeton Klankosova.tv. Në tubimin e tij përmbyllës të fushatës, Rama ka theksuar se tani rrugëtimi i Shqipërisë është të ngjitet drejt Evropës. “Shqipërinë e ngritëm nga gërmadhat, jo thjesht në takimin përmbyllës por në kulmin e një tjetër rrugëtimi ngjitjeje lart drejt majës së Shqipërisë në Evropën e bashkuar, nuk besoj tek rastësitë, s’ka rastësi që sot jemi këtu në 9 maj në ditë e Evropës për të thënë fjalën e fundit të këtij rrugëtimi dhe pastaj për të shkuar së bashku me shumicën dërrmuese të shqiptarëve, për të firmosur aty me njëri tjetrin marrëveshjen e madhe për Shqipërinë në BE”. “Kur ju më zgjodhët për të udhëhequr ajo majë ishte e paarritshme për shqiptarët ndërkohë që ne ishim të shembur përtokë, ëndrra jonë nisi nga një mjegull e një disfate të rëndë”, tha Rama. https://www.youtube.com/watch?v=clIpIGJNZ-s