Mejreme Maraj-Berisha, mësimdhënësja që për 4 dekada nuk u nda nga arsimimi i gjeneratave të reja (VIDEO)

Sa herë që 7 Marsi vjen, kujtohen sakrificat e të parëve për të lexuar e shkruar në gjuhën amtare. Kontributi i mësimdhënëseve në atë kohë ishte i pashoq, ashtu siç ishte edhe ai i Mejreme Maraj - Berishës, një shqiptare nga Mali i zi, rrugëtimi i së cilës nuk ishte fare i lehtë edhe pas diplomimit në Universitetin e Prishtinës. Ajo u dënua nga shteti malazez vetëm pse nuk e pranoi ndryshimin e planprogrameve mësimore në gjuhën shqipe, por nuk u dorëzua asnjëherë, përveç se punoi si gazetare e kulturës në Radio Televizionin e Prishtinës, arriti qysh në moshën 23-vjeçare të marrë epitetin e profesoreshës së gjuhës dhe letërsisë shqipe. https://youtu.be/OhKwWwlHQy8 Pas 36 vjetësh punë në arsim, qershori i këtij viti profesoreshën e gjimnazit "Xhevdet Doda" do ta shpie drejt pensionit, duke lënë pas shumë ligjërime e kujtime, me ç'rast nxënësit e saj, që tani veçse kishin filluar të ndjejnë mungesën e udhërrëfyeses shqipe. Në këtë ditë tejet domethënëse për mësimdhënësit, profesoresha Mejreme, për emisionin "Ora e Pasdites" në Klan Kosova, ka përçuar edhe një mesazh, për ata të cilët pretendojnë të jenë pjesë e institucioneve arsimore.