Mes zgjedhjes së presidentit dhe zgjedhjeve të reja, çfarë kërkojnë qytetarët?

Qytetarët e Kosovës janë të ndarë në qëndrimet e tyre lidhur me zhvillimet e fundit politike dhe mundësinë për zgjedhjen e presidentit apo shkuarjen në zgjedhje të reja. Një pjesë e madhe e tyre shprehen se vendi duhet t’u drejtohet sërish kutive të votimit, duke theksuar se nuk besojnë se do të arrihet zgjedhja e presidentit në rrethanat aktuale. Në pyetjen e shtruar nga Klankosova.tv në rrjete sociale, disa nga qytetarët thanë: “Duhet me shku në zgjedhje!”, “Veç zgjedhje të reja”, “Në zgjedhje”. Të tjerë shprehen edhe më skeptikë, duke thënë se “s’ka shanse me u zgjedh presidenti”, duke e parë procesin si të pamundur pa një krizë të re politike. Megjithatë, ka edhe qytetarë që përkrahin vazhdimin e mandatit të presidentes aktuale, Vjosa Osmani, duke e parë atë si zgjidhjen më të mirë në këtë situatë. “Duhet ta votojnë Vjosën nëse janë njerëz”, “Presidentja e të gjithë shqiptarëve VJOSA” dhe “Do të zgjidhet presidentja Vjosa”, “Presidentja zgjidhet ne propozofshi Vjosën përndryshe, zgjedhje më 7 qershor”, janë disa nga komentet që tregojnë mbështetjen për të. Në anën tjetër, kishte edhe qytetarë që kundërshtojnë zgjedhjet dhe kërkojnë që institucionet të gjejnë një zgjedhje pa e çuar vendin në një proces të ri zgjedhor. “Çfarë zgjedhje more iu vraftë Zoti, me zgjedhje e me krejt”, “Zoti i marroftë të gjithë deputetët, e lanë këtë popull në mjerim veç po e shkatërrojnë këtë Kosovë”. Të mërkurën, Gjykata Kushtetuese ka publikuar vendimin lidhur me dekretin e presidentes Vjosa Osmani, për shpërndarjen e Kuvendit. Sipas Kushtetueses, deputetëve të Kuvendit i jepet afat shtesë prej 34 ditësh për zgjidhjen e Presidentit. Në të kundërtën, vendi shkon në zgjedhje automatikisht brenda 45 ditësh nga momenti i shpërbërjes së Kuvendit. Më poshtë mund t’i lexoni të gjitha komentet e qytetarëve.