Një mesazh i vendosur brenda një shisheje të hedhur në oqean në brigjet e Nova Scotia, u shfaq në një plazh në Irlandë 18 muaj më vonë.
Elaine Cullen tha se ishte duke ecur me qenin e saj në dhjetor në plazhin Rostonstown, në bregun juglindor të Irlandës, kur vuri re një shishe në rërë.
"Sapo hyra në plazh, e vura re. Kisha dërguar një mesazh në një shishe vite më parë kur isha adoleshente me miqtë e mi dhe menjëherë mendova se ky ishte mesazhi. Kur e mora, kishte një qese plastike brenda, kështu që e dija se duhet ta kishte letrën. E mora me vete, e solla në shtëpi dhe e hapa", tha Cullen për SaltWire.
Shënimi brenda shishes së vodkës Grey Goose zbuloi se ishte hedhur në ujë nga një anije peshkimi në brigjet e Louisbourg, Nova Scotia, në korrik 2021. Shënimi ishte nënshkruar nga Eddie Strang, Claire, Brody Cottreau dhe Hime Muse .
Cullen e gjeti Cottreau në Facebook dhe i dërgoi një mesazh.
"Ai u kthye menjëherë kur i shkruajta në Facebook", tha ajo.
Peshkatari tha se ishte i habitur kur dëgjoi se shishja kishte arritur në Irlandë.
“Ma “shpërtheu” mendjen, ma ndreqi ditën. Isha shumë i emocionuar. Më mori mendjen që ajo shishe qelqi udhëtoi afërsisht 4,500 kilometra", tha ai.
Cottreau shtoi se ai ka hedhur mesazhe të shumta në shishe në oqean, por Cullen ishte personi i parë që e kontaktoi duke thënë se një ishte gjetur.
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
