Mësuesja e gjeografisë: Përmes kampeve verore fëmijët përgatiten për jetën (VIDEO)

Këtë të shtunë në emisionin "Familja ime" në Klan Kosova, u diskutua për kampet verore dhe benefitet e tyre, ku e ftuar ishte mësuesja e gjeografisë dhe anëtarja e klubit "Alpin Prishtina”, Lumnije Kadriu. Ajo njoftoi për programin që zhvillohet në kuadër të kampeve verore, të cilin sipas saj çdo fëmijë duhet ta përjetojë, ngase aktivitetet e tilla i përgatisin fëmijët për jetën më tutje. "Unë kam pasur rast, se për shembull shkoj dhe i informoj kolegët, sidomos për pajisjet themelore të alpinizmit, do të thotë qysh herët, në moshën më të vogël për të ardhmen" u shpreh mësuesja e gjeografisë. Ajo më tutje theksoi se pjesëmarrja e të vegjëlve në aktivitet të tilla iu shërben shumë atyre, sidomos në lëndën e gjeografisë, apo orientimi në natyrë, e cila pjesë përbërëse e kësaj të fundit. "Harta është mjeti kryesor i lëndës së gjeografisë, dhe për shembull në jetë mund të ndodhin sfida të ndryshme, ndaj përmes aktiviteteve dhe mënyrave që i mësojmë ne, këta asnjëherë nuk kanë me humb në rrugë". Anëtarja e klubit "Alpin Prishtina" tregoi se fëmijët përmes inkuadrimit në këto mësime joformale, largojnë frikën dhe familjarizohen me natyrën. https://www.youtube.com/watch?v=gXvaVUw17t4