Meucci e Kuçi për ndjekjen penale të kryesve të krimeve të luftës

Shefi i Misionit EULEX, Gabriele Meucci,  dhe Ministri i Drejtësisë, Hajredin Kuçi, patën sot një takim ku diskutuan rreth çështjeve nga fusha e gjyqësorit në Kosovë. Meucci e Kuçi u pajtuan për rëndësinë e ndjekjes penale të të gjitha krimeve të luftës, pavarësisht përkatësisë politike apo etnike të kryesve të veprave penale. Dy zyrtarët diskutuan edhe rreth afrimit të përfundimit të mandatit aktual të EULEX-it që parashihet të ndodh në qershor të vitit 2016, transmeton Klan Kosova.