Miftari nga UNFPA: Kondomi është treguar si rruga më e sigurt për mbrojtje ndaj HIV/AIDS (VIDEO)

Këtë të shtunë në emisionin "Familja ime" kemi diskutuar për virusin HIV/AIDS. Doktoresha Zarife Miftari nga UNFPA-ja, ka treguar se cilat grupe kanë predispozita më të mëdha që të preken nga kjo sëmundje. "Ekzistojnë dy grupe që janë më tepër të rrezikuar të cilët pavarësisht se si është epidemia në atë vend, nëse është e përhapur shumë ose jo, janë të rrezikuar. Këtu bëjnë pjesë meshkujt që kanë marrëdhënie seksuale me meshkujt, punëtorët e seksit dhe injektuesit e drogave", tha Miftari. "Është edhe një grup tjetër i popullatës të cilët varësisht nga përhapja e HIV/AIDS në vendin ku jetojnë, mund të jenë të cënueshëm. Aty bëjnë pjesë fëmijët pa kujdesje prindërore, adoleshentët dhe të burgosurit. Faktorët e rrezikut janë sjelljet jo të shëndetshme. Këtu grupi kryesor janë të rinjtë të cilët mund të kenë marrëdhënie më të shpeshta, me persona që nuk i njohin dhe pa mbrojtje", ka thënë ajo. Tutje Miftari tha se kondomi është treguar si rruga më e mirë dhe më e sigurt për mbrojtje ndaj HIV/AIDS. https://www.youtube.com/watch?v=Dfa9dzmEEZo