Mijëra aeroplanë Airbus ulen në tokë

Mijëra aeroplanë Airbus u detyruan të liheshin në tokë për një përditësim të softuerit pasi u zbulua se rrezatimi intensiv diellor mund të ndërhynte në kompjuterët e kontrollit të fluturimit në bord. Rreth 6 mijë  aeroplanë A320 mendohej se ishin të prekur - gjysma e flotës globale të firmës evropiane - por shumë prej tyre ishin në gjendje të fluturonin përsëri brenda disa orësh pasi iu nënshtruan përditësimit, shkruan BBC, transmeton Klankosova.tv. Rregullatori i aviacionit në Mbretërinë e Bashkuar tha se do të ketë "disa ndërprerje dhe anulime të fluturimeve", megjithëse ndikimi në aeroporte duket të jetë i kufizuar. Airbus tha se e zbuloi problemin pas një hetimi mbi një incident në të cilin një aeroplan që fluturonte midis SHBA-së dhe Meksikës humbi papritur lartësinë në tetor.