Mijëra njerëz protestojnë në Shkup për zjarrin vdekjeprurës në Koçan

Mijëra njerëz u mblodhën në kryeqytetin e Maqedonisë së Veriut, në Shkup, të shtunën në protestë për zjarrin në një klub nate në mars, ku humbën jetën 63 persona. Familjet e të vrarëve dhe mbështetësit e tyre, të veshur me të zeza dhe me fotografi në dorë, kërkuan drejtësi për viktimat e zjarrit, i cili shpërtheu gjatë një koncerti hip hop në Koçan, shkruan Reuters, transmeton Klankosova.tv. "Ka një shpresë se nuk do ta harrojmë, shpresë se nuk do të dorëzohemi dhe shpresë se më në fund do të kemi një proces gjyqësor në këtë vend në të cilin të gjithë, të gjithë ata që janë përgjegjës do të mbahen përgjegjës", tha Bojan Eftimov, një nga protestuesit. Dhjetëra persona u plagosën ndërsa nxituan të dilnin nga dalja e vetme e lokalit pa leje, ndërsa flakët përhapeshin në të gjithë çatinë e tij. Autoritetet besojnë se zjarri u vu nga shkëndijat e fishekzjarrëve. Seanca e parë dëgjimore pritet të fillojë më 19 nëntor.