Mike Tyson vaksinohet kundër COVID-19: Nuk e kam bërë me dëshirë

Mike Tyson është vaksinuar kundër COVID-19, por boksieri kampion e bëri këtë vetëm nga nevoja. “Nuk e kam bërë me dëshirë”, tha Tyson për USA Today, transmeton Klankosova.tv. “Unë jam pak i shqetësuar për këtë. E bëra sepse udhëtoj shumë jashtë vendit, dhe nëse nuk udhëtoj, nuk jetojmë. Kështu që vendosa të rrezikoj dhe ta bëj vaksinën. Njerëzit bëjnë zgjedhjen vet, unë kurrë nuk jam sëmurë”, tha boksieri. 55 vjeçari mund të ketë qenë I infektuar më parë me COVID-19, tha ai, por nuk është i sigurt. “Kisha kollë dhe isha në një vend me shumë njerëz. Gjatë gjithë kohës kollitesha, dhe më pas u dehidrova”.