Ministri britanik: Sot nuk do të mund ta arrijmë testimin e 100 mijë personave

Me shumë mundësi Britania e Madhe nuk do të mund ta arrijë cakun e synuar për testimit të 100 personave për koronavirus brenda një dite. Kështu është shprehur Sekretari i Drejtësisë, Robert Buckland, duke shtuar se ajo mund të ndodhë në ditët në vijim, shkruan Sky News, transmeton Klan Kosova. “Edhe nëse nuk e bëjmë këtë – që ka shumë gjasë të mos ndodhë tash – në ditët e ardhshme do ta arrijmë këtë cak”, ka thënë Buckland. “Tani po kryejmë mbi 52 mijë testime. Kapacitet po shtohen”. “Mendoj se ishte e drejtë të vendosej një cak i atill ambicioz. Dhe ndonjëherë edhe kur nuk e arrinë cakun në kohë, gjëja më e rëndësishme është drejtimi se kah shkon”. Në fillim të prillit, Qeveria e Britanisë së madhe kishte thënë se synon që në fund të muajit të kryejë 100 mijë testime brenda një dite.