Ministri Shala nënshkruan memorandum me Federatën e Boksit të Kosovës

Në vazhdën e memorandumeve të nënshkruara gjer me tani me disa federata të sportit të Kosovës, në ministrinë e Kulturës, Rinisë dhe Sportit, sot, u nënshkrua një Memorandum Bashkëpunimi mes MKRS-së dhe Federatës së Boksit të Kosovës. Nëpërmjet këtij Memorandumi Bashkëpunimi, MKRS-ja subvencionon FBoxK-në për pjesën e programit të këtij viti me 39,500.00 mijë euro. Ministri Kujtim Shala, me këtë rast, përgëzoi FBoxK-në për punën dhe aktivitet e deritashme, si dhe sukseset e treguara. Ai e konfirmoi mbështetjen për FBoxK-në, duke u zotuar se MKRS-ja është e përkushtuar që të ndihmojë sportistin kosovar në rrugën e përparimit të mëtutjeshëm të tij. Kryetari i FBoxK-së Ramadan Selimi e përgëzoi ministrin Shala për punën që po bën në fushën e sportit, sidomos çështjen e memorandumeve, që sipas tij lehtësojnë jashtëzakonisht shumë veprimtarinë e federatave.