Ministria e Kulturës ekspozon veprat e fondit publik të artit (FOTO)

Në Galerinë Kombëtare të Kosovës, është prezantuar koleksioni i veprave të artit të blera nga Ministria e Kulturës, Rinisë dhe Sportit me anë të thirrjes publike të vitit 2022. Interesimi i artdashësve për ta parë ekspozitën është i madh, ku përveç vizitorëve, të pranishëm janë edhe profesorë të artit si: Shyqri Nimani, Esat Valla, Eshref Qahili e të tjerë. Ekspozita me 82 punime është organizuar në dy katet e Galerisë Kombëtare të Kosovës dhe do të qëndrojë e hapur deri më 15 janar. Ndryshe si i përzgjedhur në mesin e shumë artistëve të njohur, që do t'i ekspozohen veprat në këtë galeri është edhe piktori Hekuran Sokoli i cili njëherësh është edhe gazetar në televizionin Klan Kosova.