Ministria e Shëndetësisë apelon për marrjen e vaksinës së tretë (VIDEO)

Shifrat katërshifrore kanë zënë vend në raportet e ditëve të fundit të IKSHPK-së , sa i përket rasteve të reja me koronavirus. Numra këta rekord për verën e këtij viti, ani pse të tilla pati edhe në fillimin e 2022-ës. Megjithëkëtë, numri i të hospitalizuarve është i ulët, vetëm 56 pacientë të infektuar po trajtohen në QKUK dhe spitale rajonale. Ndaj si shkak i kësaj, nga Ministria e Shëndetësisë thonë se fryma e rritjes së rasteve është shqetësuese, mirëpo nuk ka vend për alarmim, veçse për rritje të shtuar të kujdesit. Zyrtari për informim i këtij dikasteri, Faik Hoti, bëri thirrje për vaksinim, me theks të veçantë për marrjen e dozës së tretë, ngase siç tregon Hoti pothuajse asnjë qytetarë me dozën e tretë të vaksinës nuk është hospitalizuar, dhe se cikli i imunizimit nuk është i mjaftueshëm veç me dy vaksina. Ai theksoi se meqë nuk ka ngarkesë spitalore, aktualisht nuk është e nevojshme marrja e masave të reja, veçse apelon për zbatimin e masave aktuale, si mbajtja e maskës në ambiente të mbyllura dhe distanca. Së fundmi, ky dikaster ka rekomanduar edhe imunizimin e moshave pediatrike, ku gjatë ditëve në vijim do të dilet me shifra të sakta të vaksinimit për këtë grupmoshë, si dhe atë të dozës së katërt mbi moshën 60 vjeç. https://www.youtube.com/watch?v=9Q_R0u7qKAI