Ministria e Shëndetësisë njofton se nga e mërkura rifillon vaksinimi i punëtorëve shëndetësorë

Ministria e Shëndetësisë ka njoftuar se pas pranimit të 4 mijë e 690 doza të vaksinës Pfizer/Biontechm, këto doza do të përdoren për vaksinimin e punëtorëve shëndetësorë, të cilët nuk kanë mundur të vaksinohen në fazën e parë të vaksinimit. "Vaksinimi do të rifillojë nesër, e mërkurë 5 maj 2021 me punëtorët shëndetësorë nga e tërë Kosova, të cilët do të vaksinohen në sallën “1 Tetori”  në Prishtinë, duke filluar nga ora 10:00",  thuhet në njoftimin e Ministrisë së Shëndetësisë, transmeton KlanKosova.tv. ​