Ministrja do ta raportojë satiraxhiun (VIDEO)

Ministrja e Drejtësisë, Albulena Haxhiu, ka shpërndarë 120 certifikata për ata që kanë kaluar provimin e jurisprudencës, të mërkurën. Ajo ka thënë se prokurorët, gjyqtarët dhe avokatët e ardhshëm duhet të përkushtohen për drejtësi. “Uroj të jeni shembull i qytetarit të ndershëm dhe t'i shërbeni interesit të përgjithshëm, drejtësisë, barazisë dhe jodiskriminimit”, ka thënë Haxhiu. E para e drejtësisë foli edhe një herë për, siç e quan, talljen e një qytetari për rastin e dhunimit të 11-vjeçares. “Unë kam thënë që do ta raportoj në polici dhe sigurisht që pastaj organet tjera, të cilat kanë mandat të bëjnë hetime, do të merren nëse e konsiderojnë që ka bërë një vepër penale”, ka shtuar Haxhiu. https://www.youtube.com/watch?v=cT54tR4MG3o