Mishael Morgan bëhet artistja e parë me ngjyrë që fiton Emmy Daytime

Ylli i "The Young & the Restless", Mishael Morgan u bë artistja e parë me ngjyrë, që fitoi një çmim Daytime Emmy, në kategorinë "Aktorja më e mirë", në Pasadena. "Kam lindur në një ishull të vogël në Karaibe dhe tani jam duke qëndruar në një skenë ndërkombëtare dhe jam duke u nderuar, pavarësisht nga ngjyra e lëkurës sime, pavarësisht nga pasaporta ime, sepse jam më e mira në atë që bëj", tha Morgan, kur pranoi çmimin. "Tani ka vajza të vogla në mbarë botën dhe pavarësisht nga industria e profesioni, ato mund të përpiqen të jenë më të mirat", vazhdoi ajo. Aktorja, gjithashtu falënderoi shikuesit për mbështetjen e tyre, që kur iu bashkua telenovelës në vitin 2013.