Stafi shëndetësor i mjekësisë primare nuk kanë grevuar dhe as nuk po grevojnë, megjithëkëtë këtë nuk janë paguar ende për muajin gusht.
Si shkak i kësaj, personeli i Qendrës Kryesore të Mjekësisë Familjare të Prishtinës, mëngjesin e së premtes protestoi gjatë kohës së pauzës për 15 minuta, pa e ndalur ofrimin e shërbimeve për pacientët.
Sindikalisti Sherif Makolli e sheh fort të padrejtë penalizmin e tyre.
I njëjti thekson se 99 -100% e punëtoreve kanë detyrime ndaj bankave për shkak të kredive si dhe gjendja sociale është e rëndë.
Edhe pacientët janë të shqetësuar për këtë, derisa theksojnë se janë të kënaqur me shërbimet që i marrin në QKMF.
Sindikalisti Makolli bën me dije se me informatat që ka në asnjë komunë të vendit, stafi shëndetësorë i kujdesit parësorë nuk mori paga.
Mirëpo, kështu nuk ndodhi edhe me punonjësit e spitaleve rajonale dhe të QKUK-së , këta morën pagat në fundin e muajit gusht, si çdo herë të tjerë.
https://www.youtube.com/watch?v=7_f84xiNQt0
●●●
BSHKRIMI NGA
BM
Editorial nga Klan Kosova — ndjek video lajme dhe zhvillimet e tjera kryesore të vendit.
