Lajmet e fundit
Shenja është hequr me gjashtë operacione të transplantimit të lëkurës dhe trajtime që përfshinin një ilaç të pazbuluar duke u injektuar në lëkurë për të shpërbërë indin. “Luna është ende duke u rikuperuar nga operacioni i fundit dhe tani duhet të kemi durim dhe të presim që korja të bjerë”, thuhet në një postim në Instagram kushtuar historisë së Lunës. Nuk ka qenë një proces i lehtë për vajzën e re, e cila ka vuajtur nga infeksionet gjatë rrugës dhe ka jetuar me një sërë fashash për fytyrën gjatë gjithë trajtimit. “Luna bëri një operacion tjetër në vetullën e saj para se të kishte shenja infeksioni. Duhej të ishte diçka e vogël, por doktorit nuk i pëlqeu ‘aspekti’ dhe vendosi të bënte një shartim të ri”. Mami Karolina, me origjinë nga Brazili, tashmë shtetase amerikane, do ta kthejë vajzën e saj në shtëpi për t'iu nënshtruar një operacioni estetik vitin tjetër. “Luna tashmë ka filluar të flasë dhe thotë vetë: “Më iku njolla e zezë. Unë jam një princeshë”, tha mjeku i Lunës, Pavel Popov, një specialist lazer dhe kanceri, i cili ka 20 vjet përvojë në fushën e tij, duke kryer më shumë se 1000 operacione. “Luna sjell kukullat e saj në çdo takim me mjekun "ajo më kërkon të trajtoj fytyrat e tyre", tha Dr Popov, me qendër në Krasnodar, Rusi. Prindërit e Lunës grumbulluan dhjetëra mijëra dollarë për operacionet e saj dhe morën një donacion të konsiderueshëm nga një person anonim rus, që ata thonë se ishte një "mrekulli".
