Mjekja shqiptare përzgjidhet për arritjet e saja të takohet me Mbretin Charles

Onkologia shqiptare, Ernese Xhafa-Hamiti, e cila jeton dhe vepron në Londër është përzgjedhur për arritjet e saja që të takohet me Mbretin Charles. Mbreti Charles ka falënderuar personalisht mjeken Xhafa-Hamiti për ndihmë me pacientët. Derisa Ambasada, përveç mjekes shqiptare, ka ftuar dhe dy profesionistë shqiptarë që të marrin pjesë në VIP event për Samitin e Berlinit në St James Palace. Ndryshe, Xhafa-Hamiti është një onkologe shumë e vlerësuar me ekspertizë në trajtimin e problemeve komplekse onkologjike dhe mjekësore tek pacientët me kancer, veçanërisht tumoret malinje të gjirit dhe mushkërive. Ajo përfundoi studimet e saj në mjekësi në Universitetin e Prishtinës, dhe trajnimin në UCLH, Imperial dhe St Bartholomeë’s, të ndjekur nga trajnimi pasuniversitar në Institutin e Kërkimeve të Kancerit (ICR). Ajo është anëtare e Kolegjit Mbretëror të Mjekëve në Londër, Shoqatës së Mjekëve të Kancerit dhe Shoqatës Evropiane të Onkologëve Mjekësorë. /klankosova.tv