Mjekja tregon se kur duhet të hani mëngjes nëse dëshironi të humbni peshë

Mëngjesi konsiderohet si një nga vaktet më të rëndësishme të ditës dhe është gjithashtu i rëndësishëm nëse po përpiqeni të humbni peshë. "Kur doni të humbni peshë, mos e anashkaloni mëngjesin. Ai ju përgatit për ditën, është çelësi i vigjilencës mendore dhe lejon trurin tonë të funksionojë në mënyrën më të mirë të tij", tha doktoresha Alexandra Phelan për Expressin britanik, transmeton Klankosova.tv. Ajo këshillon personat që duan të humbin peshë të hanë mëngjes rreth orës 9. "Në këtë mënyrë, ju do të keni më pak gjasa të kërkoni ushqime mes mëngjesit dhe drekës," theksoi Phelan, transmeton Klankosova.tv Gjithashtu, sipas këshillave të saj, kur zgjidhni mëngjesin, duhet të keni parasysh se ky vakt duhet të përbëhet nga 20 deri në 30 gramë proteina pa yndyrë, perime dhe yndyrna të shëndetshme. Mund të jetë, për shembull, një omëletë me proshutë gjeldeti, speca dhe qepë. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS