Mjet i dyshuar në rrugën Prishtinë-Fushë Kosovë, policia rrethon vendin e ngjarjes

Policia e Kosovës e ka pranuar sot një informacion për një mjet të dyshuar në një pompë të derivateve, në rrugën Prishtinë - Fushë Kosovë. Menjëherë është rrethuar vendi i ngjarjes. Për Klankosova.tv, Flora Ahmeti, zëdhënëse për media e Policisë së Kosovës për rajonin e Prishtinës, ka thënë se bëhet fjalë për një mjet të dyshuar të vendosur në një automjet, të parkuar në afërsi të një pompe derivatesh. “Rreth orës 16:00 kemi pranuar informatën për një mjet të dyshuar në rrugën Prishtinë -Fushë Kosovë, saktësisht në një automjet të parkuar në afërsi të një pompe të derivateve”. “Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë Ahmeti. Deri më tani nuk ka informacione nëse dyshimi ka dalë të jetë i bazuar. /Klankosova.tv