MKRS-ja me ftesë publike për projektin “Memoriali për fëmijët e vrarë gjatë luftës në Kosovë”

Ministria e Kulturës, Rinisë dhe Sportit ka bërë ftesë publike për organizatat joqeveritare për implementimin e projektit me titullin “Konsultimi i të Mbijetuarve dhe Familjeve me Fëmijë të Vrarë gjatë Luftës 1998-1999 në Kosovë”. Kjo ftesë është bërë në kuadër të realizimit të “Memorialit për fëmijët e vrarë gjatë luftës 1998-1999 në Kosovë”, njofton Klan Kosova. MKRS ka ftuar organizatat e profilizuara në fushat e historisë gojore, dokumentimin e përjetimeve të luftës dhe krijimin e arkivave të pasura, të aplikojnë me projekt propozim që adreson dhe përmbush objektivat e përgjithshme të projektit. “T’i konsultojmë të mbijetuarit dhe familjet me fëmijë të vrarë gjatë luftës 1998-1999 në Kosovë mbi format e memorializimit të fëmijëve përmes një procesi me ndjeshmëri, gjithëpërfshirje, etikë dhe profesionalizëm”. “Përmes historisë gojore të ruajmë tregimet dhe dokumentojmë përjetimet reale e të mbijetuarve, të dëshmitarëve dhe të familjarëve të fëmijëve që janë vrarë, janë zhdukur apo kanë vdekur si rezultat i luftës në Kosovë”. “T’i shërbejmë kujtesës për fëmijët viktimë, pasurimit të historisë gojore të Kosovës dhe hartimit të tekstit narrativ që përshkruan dhe udhëzon memorializimin e fëmijëve”. “Përmes kësaj thirrjeje dhe për implementimin e këtij projekti, do të përzgjidhet një organizatë jo-qeveritare”. “Afati i fundit për dorëzimin e propozimeve është 15 ditë pune dhe përfundon me datën 27 janar 2023, në ora 23.59”. Për të mësuar më shumë rreth këtij memoriali, Klan Kosova e ka intervistuar nënkryetaren e Kuvendit të Kosovës, Saranda Bogujevcin [e mbijetuar e luftës në Kosovë], e cila njëherësh është edhe kryesuese e grupit punues për projektin në fjalë. https://klankosova.tv/kosova-me-memorial-do-ti-kujtoje-femijet-e-vrare-gjate-luftes-foto/?fbclid=IwAR0oHWOhi2t_vSc5MUkX23oZXh3gY2uwwxc3fbFrDWmhQrLhotm6VCH04cM

klankosova.tv