Mobilizimi qytetar, nga Drenica në Prishtinë, për drejtësi (VIDEO)

Karvanit të Drenicës po i prijnë veteranët motoristë. Në fakt, mbi 20 të tillë nga Ferizaj e vendet tjera shkuan në Skenderaj, për të solidarizuar me krerët e Ushtrisë Çlirimtare të Kosovës, për të cilët nga e hëna nis gjykimi në Hagë. Nga aty morën rrugën drejt Prishtinës ku do të marshohet për këtë qëllim. Se lufta e para një çerek shekulli është e pastër si loti, është i bindur një i moshuar që bënë thirrje për pjesëmarrje masive. E një ish-udhëheqës i luftës në Drenicë, kërkon që Gjykata Speciale t`i kthej sytë tjetërkah. Se Serbisë medoemos duhej kthyer pushka më 1999, është e bindur edhe një e re skenderajase, prej ku ka prejardhjen edhe ish-presidenti Hashim Thaçi. Krejt procesin përgatitor po e vëzhgonte Policia e Kosovës, sikur edhe nisjen e kolonës me autobusë, vetura e motoçikleta, që shoqëroheshin nga muzika patriotike. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=XJB0ITYQSEA