Modelet veshin fustane me çokollatë gjatë sfilatës në Paris (VIDEO)

Modelet kanë veshur fustane me çokollatë gjatë një sfilate mode si pjesë e panairit të çokollatës në Paris të mërkurën. Këtë vit, parada tradicionale e fustaneve të çokollatës u rikthye për hapjen e panairit, i cili zgjat deri të hënën e ardhshme. Vitin e kaluar shfaqja u anulua për shkak të pandemisë COVID-19 dhe 10 krijimet e prezantuara të mërkurën simbolizojnë një kthim në normalitet për artizanët e çokollatës. Mjeshtri i çokollatës Vincent Guerlais tha se ngjarja shënonte gjithmonë fillimin e sezonit të festave, i cili është "intensiv për të gjithë prodhuesit e çokollatës". “Vitin e kaluar nuk e kishim këtë pikënisje, këtë vit e gjetëm sërish, kështu që është mirë”, shtoi ai, raporton AP, transmeton Klankosova.tv. https://www.youtube.com/watch?v=HgiBEQh3fWU