Morinë: Kosovari arrestohet në flagrancë për trafikim të narkotikëve

Në Morinë është arrestuar 30-vjeçari kosovar, V.M., nën dyshimin se ka trafikuar lëndë narkotike. Sipas njoftimit të policisë, i dyshuari u arrestua në flagrancë. “Ndërkohë shërbimet e Policisë Kufitare në Morinë bazuar në analizën e riskut dhe në kontrollet me përzgjedhje, në hyrje të RSH-së, kaluan në vijën e dytë, për kontroll më të detajuar, automjetin tip "Volksëagen", me drejtues shtetasin V. B . Gjatë kontrollit të ushtruar në automjet, shërbimet e Policisë gjetën një sasi të vogël lëndë të dyshuar narkotike kokainë, e cila u sekuestruan në cilësinë e provës materiale, së bashku me automjetin”. “Në përfundim të veprimeve procedurale, specialistët për Hetimin e Trafiqeve të Paligjshme dhe Narkotikëve të DVP Kukës arrestuan në flagrancë shtetasin V. B., 30 vjeç, banues në Prishtinë, për veprën penale "Trafikimi i narkotikëve"”, thuhet në njoftimin e policisë.