Mot me diell të dielën, temperaturat deri në 23 gradë

Në vendin tonë të dielën do të mbajë mot me diell me temperaturat më të larta të ditës që do të arrijnë deri në 23 gradë Celzius. Kështu ka bërë të ditur Instituti Hidrometeorologjik i Kosovës me anë të një njoftimi. “Të dielën parashihet të mbajë mot me diell dhe vranësira të shpërndara.Temperaturat minimale do të lëvizin ndërmjet 3 – 5°C, ndërsa maksimalet e ditës pritet të arrijnë 19 – 23°C. Do të fryjë erë nga drejtimi i juglindjes, me shpejtësi 1 – 7 m/s”, thuhet në njoftim, transmeton Klankosova.tv.