MSH: Vendimet e sotme të Qeverisë janë marrë sipas propozimeve tona

Ministria e Shëndetësisë ka bërë një sqarim lidhur me interpretimet e ndryshme rreth masave të fundit anti COVID-19 në Kosovë. Sipas kësaj ministrie, vendimet e sotme të janë marrë sipas propozimeve të MSH-së bazuar në situatën aktuale epidemiologjike, e cila gjatë këtij muaji ka rezultuar të jetë më e qetë, njofton Klan Kosova. “Parimisht, mbesin në fuqi pothuajse masat e njëjta përveç heqjes së orës policore në komunat në ‘zonën e kuqe’, e cila tashmë si masë nuk ka ndonjë ndikim pozitiv si dhe kthimi i mësimit me prani fizike në fakultete, duke respektuar Manualin për parandalimin e përhapjes dhe luftimin e COVID-19”. “Sa i përket Bordit këshillëdhënës për COVID-19, sipas mandatit që ka, ky bord është trup këshillëdhënës që i përgjigjet Ministrit të Shëndetësisë dhe jep këshilla sipas kërkesave të ministrit për çështje të lidhura me COVID-19”. Klikoni në linkun e mëposhtëm për t’u informuar më shumë rreth këtij vendimi. https://klankosova.tv/qeveria-lehteson-masat-per-mbrojtje-nga-covid-19/

klankosova.tv