Muhamet Ramadani mbetet pa medalje në Botëror, renditet në vendin e gjashtë

Në disiplinën e hedhjes së gjyles, Muhamet Ramadani është renditur në vendin e gjashtë në Kampionatin Botëror U20, që po mbahet në Nairobi të Kenisë. Pas gjashtë tentimeve, rezultatin më të mirë Ramadani e arriti 18.97 metra. Juan Vasquez Gomez e fitojë medaljen e artë me hedhje 19.73 metra, transmeton Klankosova.tv. Ramadani e kishte fituar medaljen e artë në Kampionatin Evropian që u mbajt në muajin e kaluar në Tallin të Estonisë, në të cilin ka arritur rekord personal me hedhje 19.92 metra.