Muharremaj flet për qëllimin e festivalit "Suhareka na Bashkon" (VIDEO)

Të dielën në emisionin "Familja ime" në Klan Kosova, u diskutua për festivalin "Suhareka na Bashkon" detikuar personave me aftësi të kufizuar, ku i ftuar ishte kryetari i kësaj komune Bali Muharremaj. "Para një muaji patëm rastin të lëshojmë objektin për personat në nevojë, një objekt me standarde evropiane, ku donator kemi një biznesmen shumë të famshëm nga komuna e Suharekës". Kryetari Muharremaj, më tutje tregoi edhe për një tjetër donator, ku falë tij më 3 dhjetor të këtij viti pritet të nisë ndërtimi i një objekti i cili iu është dedikuar personave me sindromën Down. "Ne jemi duku u munduar që të bëjmë më të mirën për këtë kategori, që të jenë të barabartë me të gjitha shtresat në komunën e Suharekës", tha Muharremaj. I pari i Suharekës, foli edhe për festivalin "Suhareka na Bashkon", ku një organizimi i llojit të tillë mbahet për herë të parë në Kosovë, dhe pjesëmarrës do të jenë edhe shtetet ballkanike. "Për ne është shumë me rëndësi promovimi i talentëve të kësaj kategorie, ndaj arti dhe muzika do të jenë pjesë e këtij festivali". Muharremaj, theksoi se transporti nga qyteti i Prishtinës do të jetë falas për të gjithë ata që duan të vizitojnë këtë festival, i cili nisi të mbahej këtë të shtunë në Palestrën Sportive në Suharekë. https://www.youtube.com/watch?fbclid=IwAR3PodvNhFpRNCeiSwQPXdgOXmJAEWslt2J0RDvZE8FFTIWedDTP7H0YhqY&v=kEzKvyXrlTo&feature=youtu.be