Mungesa e çuditshme, QKUK huazon “dializë” nga Peja (VIDEO)

Ka një javë që reparti i Hemodializës në QKUK po i huazon materialet për kryerjen e dializës nga Spitali i Pejës. Këtë për televizionin e kanë konfirmuar disa burime, përkundër që ky trajtim është kaq jetikë. Televizioni merr vesh se aktualisht po mungojnë materialet si solucion bikarbonate dhe solucion acetate, të cilat futen ne aparat në mënyrë që të kryhet procesi i dializës tek pacientët. Profesionistët e kësaj fushe bëjnë me dije se pa këto dy materiale nuk mund të kryhet dializa. E, gjatë përgatitjes së kronikës kuptuam që tek gjatë kësaj dite është hapur procedura emergjente për blerjen e dy produkteve të lartcekura dhe tretësirës për aparatin e dializës. Kjo për shkak se për këto tri lote ka pasur ankesa pas shpalljes se fituesit, procedure kjo që është hapur me 23 gusht të këtij viti, këtë të fundit e konfirmojnë edhe nga drejtoria e SHSKUK-së, ndonëse sigurojnë që pacientët që vuajnë nga dializa nuk do të mbesin pa material. "Me ardhjen e menaxhmentit të ri të ShSKUK-së është proceduar kërkesa e rregullt me afate të shkurtuara, e bërë nga Njësitë e ShSKUK-së, përmes Barnatores Qendrore, e që për 5 muaj ishte neglizhuar dhe nuk ishte proceduar në formë të rregullt. Kanë përfunduar të gjitha procedurat e prokurimit dhe është shpallur fituesi i tenderit për furnizim me material për dializë, por ka pasur një ankesë nga një operator ekonomik dhe lënda është në procedurë të ankimimit", treguan nga ShSKUK. Në QKUK marrin shërbim 220 pacientë të cilët vuajnë nga dializa, derisa KlanKosova ka dërguar pyetje edhe tek bordi i SHSKUK  se a kanë qenë në dijeni për këtë situatë, por që nuk janë përgjigjur. Në fakt  mungesa të materialeve për dializë tek moshat specifike-pediatrike ka pasur edhe muaj më parë, gjë për të cilën kemi raportuar. https://www.youtube.com/watch?v=K98LkpcLHy4