Infrastruktura e brendshme e Klinikës së Psikiatrisë është në gjendje të rëndë.
Madje edhe dhomën ku ushqehen pacientët e repartit të Urgjencës Psikiatrike e ka kapur lagështia dhe myku në njërin cep të tavanit.
Ngjashëm është edhe në banjat e kësaj hapësire, derisa edhe reshjet gjithmonë depërtojnë këndej.
Sipas drejtuesit të kësaj klinike, Faton Kutllovci, gjendja më e ndjeshme është në Urgjencën e Psikiatrisë, Intensives dhe në dhomat e izolimit në të cilat duhet siguri më e madhe për pacientët, por të njëjtat janë mjaft të dëmtuara.
Ca rinovime të pjesshme në vende-vende kanë nisur të bëhen nga ShSKUK-ja, teksa Ministri i Shëndetësisë, Rifat Latifi, pas vizitës që i ka bërë Psikiatrisë është zotuar për investime.
Drejtori Kutllovci thekson se me këto kushte rrezikohet shëndeti i pacientëve dhe i personelit, ani se pohon se pacientëve i ofrohet shërbim profesional në aspektin e procedurave të trajtimit, por jo edhe të kushteve të cilat i cilëson të rënduara.
Po ashtu kësaj klinike me 65 shtretër i mungon klimatizimi dhe ventilimi.
Ministria e Shëndetësisë rinovimin e tërësishëm do ta nisë më 2024 përmes një donacioni nga Ambasada Amerikane, ku procesi i aplikimit ka nisur.
https://www.youtube.com/watch?v=d_wXBq5ANn8
●●●
LHSHKRIMI NGA
L H
Editorial nga Klan Kosova — ndjek lajme dhe zhvillimet e tjera kryesore të vendit.
