Tenisti spanjoll Rafael Nadal ka rezultuar pozitiv në testin për COVID-19, pas kthimit në vendlindje nga Abu Dhabi.
Kampioni i 20 grand-slameve e konfirmoi vetë infektimin, por nuk dha detaje se për cilin variant të virusit bëhet fjalë.
35-vjeçari u kthye në Spanjë, të hënën, për shkak të lëndimit që pësoi gjatë turneut botëror të tenisit Mubadala, gjatë javës së kaluar.
Kjo ishte pjesëmarrja e parë e Nadalit në gara, që nga City Open që u mbajt në muajin gusht në Washington.
Ai tha se doli negativ, në të gjitha testet që i pati në Kuvajt dhe Abu Dhabi deri të premten.
Grand-slami i parë për vitin 2022 është Australian Open, që fillon më 17 janar.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
