Natë tensioni në BBVK4: Përplasje, akuza të rënda dhe një largim vendimtar (VIDEO)

Prime-i i mbrëmshëm i Big Brother VIP Kosova 4 u shoqërua me tensione, akuza dhe momente emocionale. Eduard Kuçi - Edi u dërgua direkt në nominim pas kërcënimeve ndaj Arditit, ndërsa më vonë i kërkoi falje publikut dhe produksionit, duke thënë se kishte vepruar në moment afekti, raporton Klankosova.tv. Situata në shtëpi u ashpërsua edhe më shumë pas komenteve të Albës për raportin mes Londrimit dhe Klodit, si dhe akuzave të rënda ndaj Fjollës, gjë që çoi në përplasje të drejtpërdrejta mes tyre. Ndërkohë, një moment mbështetës erdhi nga e dashura e Klodit përmes një telefonate, ndërsa Hygerta preku publikun me rrëfimin e ndjerë për humbjen e babait gjatë pandemisë. Në fund, publiku vendosi largimin e Edin nga shtëpia e BBVK4 me 65 për qind të votave. Edi shkon direkt në nominim Si pasojë e kërcënimeve, “Vëllai i Madh” vendosi që Edi të dërgohej direkt në nominim, duke ia lënë fatin në dorë publikut. Vendimi u mor gjatë transmetimit live, ndërsa televotimi u hap menjëherë për shikuesit. https://www.youtube.com/watch?v=K1ss1VN2R0w Kërkim falje publike nga Edi Pas vendimit, Edi reagoi duke i kërkuar falje publikut dhe produksionit për fjalët fyese të përdorura. Ai theksoi se kishte vepruar në moment afekti dhe se sjellja e tij nuk e përfaqëson karakterin e tij të vërtetë. https://www.youtube.com/watch?v=VB7mYzg1SxQ Komentet e Albës ndezin debatet Debatet në shtëpi u intensifikuan pas deklaratave të Albës, e cila komentoi raportin mes Londrimit dhe Klodit, duke vënë në dyshim orientimin e tyre seksual. Ajo deklaroi se nuk po ofendonte, por po analizonte lojën e tyre brenda shtëpisë. https://www.youtube.com/watch?v=FSVkurLcmbU https://www.youtube.com/watch?v=8eJvXsBQGRk Akuza të rënda ndaj Fjollës Situata u bë edhe më e rëndë kur Alba hodhi akuza të drejtpërdrejta ndaj Fjollës Morinës, duke pretenduar se ajo jashtë shtëpisë përdor lëndë narkotike. Këto deklarata shkaktuan tension të madh dhe reagime të ashpra brenda shtëpisë. https://www.youtube.com/watch?v=BweBavJUN9Y Revolta dhe përplasja mes Fjollës dhe Albës Akuzat e Albës e revoltuam Fjollën, e cila në dhomën e rrëfimeve u shpreh e lënduar dhe e prekur emocionalisht. Debati mes dy banoreve më pas agravoi, me fjalë të rënda dhe ofendime reciproke. https://www.youtube.com/watch?v=M-qbeBcL830 Telefonata e të dashurës së Klodit Një moment më i qetë erdhi për Klodin, i cili u surprizua nga një telefonatë e të dashurës së tij. Ajo i shprehu mbështetje dhe besim, duke e këshilluar të ketë kujdes në sjelljen e tij me vajzat në shtëpi. https://www.youtube.com/watch?v=OK1sw1-68c4 Rrëfimi emocional i Hygertës Prime-i solli edhe momente emocionale, ku Hygerta ndau me publikun dhimbjen për humbjen e babait të saj në vitin 2020. Ajo tregoi për izolimin gjatë pandemisë dhe vështirësitë emocionale që e kanë shoqëruar që nga ajo kohë. https://www.youtube.com/watch?v=4fcFLcPRSiI Publiku vendos largimin e Edit Në fund të Prime-it, publiku mori vendimin përfundimtar. Me 65 për qind të votave, Edi u largua nga shtëpia e Big Brother VIP Kosova 4, duke i dhënë fund rrugëtimit të tij. https://www.youtube.com/watch?v=4NX9lKQx9a4