Ndalohet shtetasi i Shqipërisë, i sekuestrohet drogë

Policia ka bërë të ditur se në fshatin Zapluxhe të Prizrenit tek një shtetas i Shqipërisë kanë gjetur dhe sekuestruar substancë narkotike, të mërkurën. Në raportin 24-orësh të policisë thuhet se rasti u zbulua pasi është ndaluar i dyshuar dhe është bërë kontroll në veturën e tij. “Njësia policore gjatë kontrollit ka ndaluar një veturë dhe gjatë kontrollit tek i dyshuari shtetas i Shqipërisë ka gjetur dhe sekuestruar një dozë sasi me substancë që dyshohet të jetë narkotike e llojit marihuanë, një grinder dhe një pako rizlla”, theksohet në raportin e Policisë. Me vendim të prokurorit rasti shkon në procedurë të rregullt. /Klankosova.tv