Nderohet e bija e mikut të Putinit, e vrarë në Moskë (VIDEO)

Para fotos e arkivolit të Daria Dugina, sot u përkulen shumë rusë. Në këtë mënyrë u nderua e bija e nacionalistit kryesor politik rus, e cila vdiq nga një bombë e vendosur në makinën e saj,  për çka Moska fajësoi inteligjencën ukrainase. Fjalët e fundit të saj, me plot emocion i tregoi babai, Alexander Dugin, që sipas Moskës ishte cak i sulmit nga i cili e pësoi e bija. “Ajo nuk kishte frikë. Fjalët e fundit që tha gjatë bisedës sonë në festivalin e traditës ishin: “Baba, ndihem si luftëtar, ndihem si hero, dua të jem e tillë, nuk dua fat tjetër. Dua të jem me popullin tim, me vendin tim", tha Alexander Dugin, filozof, shkrimtar dhe teoricien politik rus. Për nderimin e gazetares ne Moskë erdhi e ashtuquajtura Ambasadore e Republikës Popullore separatiste të Donjeckut, e cila fajtore për këtë situatë e bëri perëndimin. “Vetëm nëse njerëzit e thjeshtë të këtyre vendeve perëndimore thonë “Stop” dhe “Jo më luftë”, zgjidhja dhe normalizimi i kësaj situate do të ishte i mundur. Nëse ka një mbështetje aktive nga të gjitha palët, tragjeditë e tilla  do të vazhdojnë",  deklaroi Alexandra Makeyeva, ambasadore  e Republikës Popullore separatiste të Donetskut në Federatën Ruse. Akuzat ruse për këtë vrasje janë mohuar nga autoritetet ukrainase, te cilët skenarin e shërbimeve federale të Rusisë e quajtën trillim dhe propagandë politike. https://www.youtube.com/watch?v=YTj_WlfAM9A