Ndërsa po sfidonte veten në garën më të madhe, vdes çiklisti 40 vjeçar

Një çiklist ka ndërruar jetë ndërsa po sfidonte vetën në garën më të madhe në botë të çiklizmit e njohur si Cycle Tour Cape Town. Sipas mediave të huaja, vdekja e tij ndodhi pasi u përfshi në një aksident, gjatë një turme prej rreth 20 pjesëmarrësish të tjerë në garën M3 në kodrën Wynberg, njofton Klan Kosova. Organizatorët konfirmuan aksidentin dhe vdekjen e çiklistit 40 vjeçar. "Një nga çiklistët, mashkull 40 vjeçar, mori trajtim të menjëhershëm mjekësor, por, tragjikisht, plagët e tij u vërtetuan fatale", thanë zyrtarët. Tani në vitin e saj të 40 të, turneu i Cycle Tour Cape Town  mbledh rreth 35 mijë çiklistë si pjesëmarrës për çdo vit.