Ndeshja historike Kosovë-Turqi, Endrit Thaçi ndan foton emocionuese me babanë

Djali i ish-presidentit Hashim Thaçi, Endriti, ka ndarë një moment emocionues në prag të ndeshjes Kosovë-Turqi. Në Instagram, ai publikoi një fotografi të vjetër ku shfaqet me babanë e tij, i cili mban në duar një shall me mbishkrimin “Kosova”. Në këtë imazh, të dy duken të buzëqeshur, duke reflektuar një lidhje të fortë familjare dhe dashurinë për vendin. Postimi vjen pikërisht pak para përballjes së rëndësishme të mbrëmjes, duke shtuar emocionet tek tifozët. Edhe pse nuk ndodhet në stadium, Hashim Thaçi pritet ta ndjekë ndeshjen nga Haga, duke përjetuar nga larg emocionet e të gjithë shqiptarëve./Klankosova.tv