Ndezi zjarrin për pastrim por flakët dogjën tokën me bimësi, arrestohet 51-vjeçari në Himarë

Një 51-vjeçar në fshatin Borsh të Himarës është proceduar penalisht nën dyshimin se ndezi zjarr për pastrim dhe si pasojë u dogj një sipërfaqe toke me bimësi. S”i rezultat i punës hetimore dhe i veprimeve të shpejta për identifikimin dhe nxjerrjen përpara përgjegjësisë penale të autorëve të zjarrvënieve, specialistët për Hetimin e Krimeve të Komisariatit të Policisë Himarë identifikuan shtetasin M. K., i cili dyshohet se ka ndezur zjarr për pastrimin e barit në një sipërfaqe toke, në afërsi të banesës së tij, dhe si pasojë e përhapjes së flakëve, është djegur një sipërfaqe toke kullotë, me shkurre dhe me ferra”, thuhet më hollësisht në njoftimin e Policisë së Shtetit. Në vijim të veprimeve, u referuan materialet në Prokurori ku nisi procedimi në gjendje të lirë për 51 vjeçarin. Sakaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.