Në Kosovë shtohen sipërfaqet me grurë (VIDEO)

Mbjelljen e grurit Baki Haradinaj e kishte planifikuar ta përfundonte para 10 ditësh. Por, këtë punë ai u desh ta shtyjë për shkak të reshjeve gjatë muajit shtator. Kjo për të pritet të ketë efekt negativ, pasi thotë se do të ndikojë edhe në rendiment pas të korrurave. E kur i shton edhe çmimet e larta që këtë vit po paguan për blerje të farës, ky thotë se zor që do të përfitojë diçka, pasi sipas Haradinajt, 100 kilogramë farë gruri aktualisht blihen 65 euro, e më parë ato kushtonin  32 euro. Pavarësisht çmimeve, sipas kryetarit të Sindikatës së Bujqve, Tahir Tahiri, këtë vit ka interesim më të madh për mbjelljen e kulturave bujqësore. Këtë vit, bujqit janë subvencionuar me 474 euro për hektar, e me 0.03 cent për çdo kilogram të grurit të dorëzuar në mulli. https://www.youtube.com/watch?v=SoCtqln7P2U