Në Mitrovicë themelohet klubi i shenjëtarisë “Ibri”

Në Mitrovicë u themelua  Klubi i Shenjëtarisë Sportive, që do të funksionojë në Kuadër të Federatës së Shenjëtarisë Sportive të Kosovës. Në themelimin e klubit mori pjesë edhe Shefket Ismaili, anëtar i Bordit të Federatës së Shenjëtarisë Sportive të Kosovës, i cili foli për anëtarësimin e saj në të gjitha federatat përkatëse të shenjëtarisë në Botë dhe për sukseset e shenjëtarëve kosovar, transmeton Klan Kosova. Klubi i Shenjëtarisë Sportive të Mitrovicës, që u pagëzua  “Ibri”, për krenar zgjodhi Rrahman Sefedinin, sekretar Gani Baranin dhe arkëtar Isamil Zasellën. Po ashtu, u zgjodhën edhe tre anëtarët tjerë të Kryesisë, e cila do të ketë pesë anëtarë. Në takimin themelues, pjesëmarrësit u njoftuan me aktin themelues, statutin dhe rregulloret tjera përkatëse, të cilat do të aprovohen në mbledhjen e Kuvendit.