Në Pejë testohen afër 80 persona për koronavirus, mbyllet një rrugë për qarkullim

Drejtoria e Shëndetësisë në Pejë ka njoftuar se tani janë duke u testuar për koronavirus afër 80 persona, raste kontakti. Po ashtu, nga ora 11:00 deri në 15:00 është bllokuar rruga “Kristal”, para Ambulancës së Mjekësisë Familjare, pasi që testimet janë duke u kryer në këtë objekt. Në Pejë u rrit numri i të prekurve me koronavirus për shkak të një varrimi ku morën pjesë një numër i madh i personave, në mesin e të cilëve kishte të tillë që bartnin infeksionin.